«Astana» Halyqaralyq qarjy ortalyǵynyń ókilderi Qazaqstanda tirkelgen elshilermen kezdesti
ASTANA. QazAqparat - Búgin «Astana» Halyqaralyq qarjy ortalyǵynyń (AHQO) ókilderi Qazaqstandaǵy dıplomatııalyq mıssııa basshylarymen kezdesti, dep habarlaıdy ortalyqtyń baspasóz qyzmeti.
Kezdesýge 30-dan astam eldiń Tótenshe jəne ókiletti elshileri qatysty. Kezdesýdiń maqsaty -EKSPO-2017 halyqaralyq mamandandyrylǵan kórmesiniń aldynda dıplomatııalyq korpýs ókilderin AHQO qyzmetimen tanystyrý.
AHQO basqarýshysy Qaırat Kelimbetov qarjy ortalyǵyn qurý ıdeıasynyń Elbasy Nursultan Nazarbaevqa tıesili ekendigin aıtty. AHQO-nyń bes ınstıtýtsıonaldy reformany júzege asyrýdaǵy «100 naqty qadam» Ult josparynyń bir bóligi ekendigine toqtaldy.
Qatysýshylarǵa AHQO negizgi strategııalyq baǵyttary, maqsaty, aımaqta kapıtal naryǵyn damytý, aktıvterdi basqarý, ıslam qarjylandyrýy, qarjy tehnologııalary, «jasyl» qarjyny ilgeriletý boıynsha keńinen aqparat berildi.
Qazaqstandaǵy Tótenshe jáne ókiletti elshiler AHQO-nyń ereksheligi ony bolashaqta sətti qarjy ortalyǵy etetinine senim bildirdi. AHQO - aǵylshyn quqyǵy prıntsıpterine saı jumys isteıtin TMD-gi jalǵyz qarjy ortalyǵy bolmaq.
