«Astana» Halyqaralyq qarjy ortalyǵynyń Bırjasy saýda júıesin tanystyrdy
ASTANA. QazAqparat - «Astana» halyqaralyq qarjy ortalyǵynyń Bırjasy (AIX) Qazaqstandyq qarjygerler qaýymdastyǵynyń alańynda qazaqstandyq baǵaly qaǵazdardyń kásipqoı qatysýshylary úshin saýda júıesiniń keńeıtilgen tanystyrylymyn ótkizdi, dep habarlaıdy QazAqparat.
Іs-sharaǵa Qazaqstandyq qarjygerler qaýymdastyǵynyń (QQQ) shaqyrýymen bırja naryǵynyń 50-den astam ókili qatysty. Olardyń ishinde ekinshi deńgeıli bankter, brokerlik jáne zań kompanııalary, «Qazaqstandyq qor bırjasy» AQ ókilderi, Baǵaly qaǵazdardyń biryńǵaı tirkeýshisi jáne basqa da múddeli uıymdar boldy.
«Kezdesý qatysýshylary saýda júıesimen jáne onyń fýnktsıonaldyq erekshelikteri, tehnıkalyq múmkindikteri, ótinimderdi qalyptastyrý jáne esepteý protsesteri jaıynda tanysýǵa múmkindik alǵan», - dep atap ótti Qazaqstandyq qarjygerler qaýymdastyǵynyń basqarýshy dırektory Erlan Býrabaev.
Erlan Býrabaevtiń aıtýy boıynsha, QQQ bazasynda AHQO ınfraqurylymdyq elementteriniń osyndaı tanystyrylymdar turaqty negizde ótkiziledi.
