«Astana» halyqaralyq qarjy ortalyǵynan shashtaraz ashqysy kelgender de bolǵan

ÓSKEMEN. QazAqparat - Óskemende ótip jatqan tanystyrylymda "Astana" qarjy ortalyǵyna qatysty nebir qyzyqty málimetter aıtylyp jatyr, dep habarlaıdy QazAqparat tilshisi.

Ortalyqtyń basqarýshy dırektory Aıdar Qazybaev AHQO seriktesterine kórsetiletin jeńildikter qarapaıym kásipkerlerdi qatty qyzyqtyryp otyrǵanyn aıtty.

"Bizge bir kásipker habarlasqan bolatyn. Ol "Astana" ortalyǵynda shashtaraz ashqysy kelgenin aıtty. Ortalyqtyń qandaı basymdyqtar beretinin  bilgenimen baǵyty men maqsatyn túsinbeıtinder bar. Osynda otyrǵan jastardyń da kókeıinde osyǵan uqsas suraqtar bolýy múmkin. Bizdiń ortalyq qarjylyq, zańgerlik, konsaltıngtik, aýsorsıngtik kompanııalarǵa qyzmet kórsetedi" - dedi Aıdar Qazybaev.