Astana halyqaralyq forýmy bastaldy
Forýmnyń taqyryby – «Dıalog arqyly syn-qaterlerdi eńserý: yntymaqtastyq, damý jáne progress jolynda».
Búginde álem jedel is-qımyl men kelisilgen kúsh-jigerdi qajet etetin máselelerge tap bolyp otyr.
Kóptegen máselelerdi múddeli taraptar arasyndaǵy dıalog pen yntymaqtastyqsyz sheshý múmkin emes. Tek dıalog pen yntymaqtastyq arqyly neǵurlym turaqty jáne ádil álem qura alamyz.
AHF eksklıýzıvti sıpatqa ıe, oǵan 300-ge jýyq tanymal sheteldik spıker qatysady. Jalpy, forýmǵa barlyǵy 1000-ǵa jýyq adam qatysady dep josparlanǵan.
Sonymen qatar, forým elimizge ınvestor tartý úshin mańyzy zor shara sanalady.
AHF – eń úlken dıalog alańy, ony «Azııalyq Davos» dep sanaýǵa bolady. Qazirgi zamannyń eń ózekti máselelerin talqylaý jáne sarapshylar tobynyń qatysýymen olardyń sheshimin izdeý – sharanyń eń mańyzdy mindeti.
Qazirgi jaǵdaıda Qazaqstannyń álemdik qoǵamdastyqtyń halyqaralyq pikirtalas orny bolýǵa múmkindigi bar.
Bul jaǵdaı - elimizdiń damýyna qajetti eleýli ınvestıtsııalyq úlesti qamtamasyz etedi. Saýdany damytýǵa jáne iri kompanııalarmen, qarjy ınstıtýttarymen jańa baılanystar ornatýǵa múmkindik beredi.
Otandyq taýarlardy satý jáne eksportqa shyǵarý úshin jańa múmkindikter ashady.
Forým qarsańynda, ıaǵnı keshe, 7 maýsymda, AHQO uıymdastyrǵan Astana Finance Days halyqaralyq konferentsııasy ótti.
8 maýsymda jalpy otyrystan keıin sheteldik ınvestorlar keńesi ótedi.
Forým Eýrazııadaǵy sarapshylar úshin basty dıalog alańdarynyń biri, nátıjeli jáne bedeldi shara bolmaq.
Іs-sharanyń mańyzdylyǵy shaqyrylǵan spıkerler men delegattardyń deńgeıi kórsetip tur.
Olar – elder men halyqaralyq uıymdardyń, saıasatkerlerdiń, ǵalymdar men ekonomısterdiń álemdegi jáne aımaqtaǵy qazirgi jaǵdaıǵa kózqarastarymen bólisetin, qazirgi problemalardyń yqtımal sheshimderin talqylaıtyn aldyńǵy qatarly tulǵalary.
Halyqaralyq ınvestorlardy tartý, elde jáne álemde ekonomıkalyq saıasattyń kún tártibin qalyptastyrý úshin jańa ıdeıalarmen almasý forýmnyń tıimdiligin kórsetedi.
