Astana halyqaralyq áýejaıynyń ókilderi básekelestikke qatysty júrgizilýi tıis tekserý týraly pikir bildirdi
ASTANA. QazAqparat – Nursultan Nazarbaev áýejaıyynyń ákimshiligi Básekelestikti qorǵaý jáne damytý agenttiginiń Astana qalalyq departamentiniń áýejaıda tekserý júrgizilip jatqany týraly sózin joqqa shyǵardy, dep habarlaıdy QazAqparat.
Baspasóz qyzmeti Astana áýejaıynyń básekelestikti shekteýi týraly málimettiń shyndyqqa janaspaıtynyn málim etti.
«Nursultan Nazarbaev halyqaralyq áýejaıy Básekelestikti qorǵaý men damytý agenttigi Astana qalalyq departamentiniń jetekshisi Tımýr Kalenovtyń Astana áýejaıynda besekelestikti shekteýge qatysty tekserý júrip jatqany týraly málimet shyndyqqy janaspaıdy»,-delingen áýejaı taratqan habarlamada.
Áýejaı basshylyǵy Básekelestikti qorǵaý men damytý agenttigi tarapynan tekserý júrgizý týraly hat kelgenin aıtty.
«Hat kelgen 18-shi sáýirden bastap búgingi kúnge deıin Básekelestikti qorǵaý men damytý agenttiginen ókilder kelgen joq. Іs júzinde áýejaıda tekserý bastalǵan da joq. Tekserý júrgizilgen kúnniń ózinde ol bizde qandaı da bir zańbuzýshylyqtar bar ekenin bildirmeıdi.
Eskerte keteıik, zańbuzýshylyqtar tekserýshi organ qorytyndy shyǵaryp, áýejaı ókilderi onymen kelisip, qorytyndyǵa baılanysty eshqandaı shaǵym bildirmeıtin bolǵanda ǵana dáleldengen bolyp tabylady»,-delingen áýejaıdyń baspasóz qyzmeti taratqan habarlamada.
