Astana halyqaralyq áýejaıynda «Kóp maǵynaly sózderdi aýdarý problemalary» atty tájirıbelik semınar ótti
ASTANA. 23 qańtar. QazAqparat - Búgin «Astana halyqaralyq áýejaıy» AQ-da Qazaqstan Respýblıkasynda Tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn júzege asyrý maqsatynda «Kóp maǵynaly sózderdi aýdarý problemalary» atty tájirıbelik semınar ótti.
Semınarda áýejaıdyń qyzmetterinde, qurylymdyq bólimshelerinde isqaǵazdardy memlekettik tilde júrgizýge jaýapty tulǵalar jáne memlekettik tildi oqytý sabaqtarynyń isqaǵazdar tobyna qatysatyndar boldy. Jalpy semınarǵa 32 jumysker qatysty. Semınar áýejaıdyń 2013 jylǵa josparlaǵan is-sharalar josparyna sáıkes uıymdastyryldy. Shara barysynda tilderdi damytý qyzmetiniń mamandary kóp maǵynaly sózderdi aýdarýda kezdesetin problemalar jaıly áńgimeledi jáne Memlekettik termınologııa komıssııasynyń bekitken sózderi jáne sóz tirkesterimen tanystyrdy. Semınar sońynda qatysýshylar atalǵan taqyryp boıynsha tapsyrmalar oryndady jáne memlekettik tilde daıyndaýda basshylyqqa alatyn qujattarmen jáne olardyń kóshirmelerimen qamtamasyz etildi.
