«Astana halyqaralyq áýejaıyn» Italııa azamaty basqarady
Italııa azamaty Paolo Rıchıottı óz eńbek jolyn 1974 jyly «Nigeria Airways» Ltd avıakompanııasynda (Rım qalasy, Italııa) bastady.
Azamattyq avıatsııa salasynda jumys istegen Paolo Rıchıottı qatardaǵy menedjerden bastap, «Cathay Pacific Airways», «SEA Aaerporti Milano», «SEA Handling Spa», «Astra Air Charter» jáne basqa álimge tanymal avıakompanııalardyń basshysyna deıin kásibı qalyptasýdyń barlyq kezeńderinen ótken, halyqaralyq dárejedegi joǵary bilikti maman ekenin kórsetti.
«Paolo Rıchıottı aýqymdy bıznes jobalarǵa qatysty áýejaılardy basqarýshy retinde ǵana emes, sonymen qatar álemdik áýe porttary úshin qyzmetti jetkizýshi retinde avıatsııalyq ındýstrııanyń barlyq qyr-syryn biledi. Jumys barysynda keshendik jáne mýltımádenı ortada iri adamı resýrstardy basqara aldy, avıatsııalyq qyzmet naryǵyn zerttedi, avıatsııalyq qaýipsizdik pen ushýlar qaýipsizdiginiń deńgeıin ulǵaıtýǵa kóńil bóle otyryp, tıimdi basqarýdy jáne kompanııanyń turaqty damýyn qamtamasyz etý úshin jedel resýrstardy josparlaǵan. 2012-2015 jyldar aralyǵynda «Air Astana» avıakompanııasynda (Qazaqstan) jerdegi qyzmet kórsetý jónindegi dırektor bolyp jumys istedi», - delingen habarlamada.
«Paolo Rıchıottıdiń kásipqoılyǵy men Airport Management Group kompanııasynyń úzdik álem tájirıbelerin, standarttaryn jáne tehnologııalaryn engizýi, trafıkti ulǵaıtýy, servısti jaqsartýy jáne ushýlar qaýipsizdiginiń standarttarymen qamtamasyz etý boıynsha maqsattary elorda áýejaıyn Eýrazııanyń jetekshi áýejaıy retinde qalyptastyratyna senim artamyz»,- dedi «Airport Management Group» basqarýshy kompanııasy.