Astana halyqaralyq áýejaıy qaýipsizdik sharalaryn kúsheıtip jatyr
ASTANA. QazAqparat - Keıbir shet memleketterde bolyp jatqan qaıǵyly oqıǵalarǵa baılanysty Astana áýejaıy qaýipsizdik sharalaryn kúsheıtýde. Áýejaıda 2015 jylǵy 14 qarashadan bastap jolaýshylar termınalynyń kire berisine tekserý jabdyqtary ornatyldy, dep habarlady «Airport Management Group».
Barlyq jolaýshylar, áýejaı qyzmetkerleri, sondaı-aq shyǵaryp salýshy jáne qarsy alýshy tulǵalar qolmen tekseriledi. Jolaýshylardy tekserý táýlik boıy júrgiziletin bolady.
Osyǵan baılanysty, Halyqaralyq Astana áýejaıynyń basshylary, barlyq jolaýshylardan áýejaıǵa halyqaralyq reısterge aldyn-ala 3 saǵat buryn, al ishki reısterge aldyn-ala 2 saǵat buryn kelýlerine keńes beredi.
Sonymen qatar, avıatsııa qaýipsizdigin qamtamasyz etý maqsatynda birqatar tártipterdi eske salady: jarylǵysh zattar, syǵylǵyn jáne suıytylǵan gazdar, tez jańǵysh zattar, qarýdyń barlyq túrleri, ótkir ári shanyshqyly zattar bagaj retinde tasymaldanbaıdy. Sonymen birge, qol júginde suıyqtyqtar, aerozol, gel sııaqty zattardyń mólsheri 100 ml-den aspaýy tıis. Bul oraıda, ushý barysynda paıdalanýǵa qajetti dárilik zattar nemese balalardyń tamaǵyna ǵana ruqsat beriledi.
Kún saıyn Astana áýejaıy 38 baǵyt boıynsha 12000 jolaýshyǵa deıin qyzmet kórsetedi. Astana áýejaıy qaýipsizdik sharalaryn qamtamasyz etý boıynsha qyzmetterdi Qazaqstan Respýblıkasynyń zańnamalary men IKAO halyqaralyq standarttaryna (Azamattyq avıatsııanyń halyqaralyq uıymy) sáıkes júzege asyrady.
