Astana halyqaralyq áýejaıy ákimshilik jaýapkershilikke tartyldy
ASTANA. 22 aqpan. QazAqparat - Aǵymdaǵy jylǵy 14 aqpanda «Astana halyqaralyq áýejaıy» aktsıonerlik qoǵamy ýákiletti organmen kelisilmegen ózge qyzmetterdi júzege asyrǵany jáne zańsyz tabys tapqany úshin 975 533 teńge somasynda aıyppul salý arqyly ákimshilik jaýapkershilikke tartyldy.
Bul týraly Qazaqstan Respýblıkasy Tabıǵı monopolııalardy retteý agenttigi habarlap otyr.
Agenttik saıtynyń jazýynsha, atalmysh vedomstvoǵa aǵymdaǵy jylǵy 23 qańtarda Madııar Serikov degen azamat «Astana halyqaralyq áýejaıy» aktsıonerlik qoǵamynyń ashyq avtoturaq úshin tólemaqy alýdyń zańdylyǵy boıynsha ótinish bergen.
TMRA tóraǵasynyń buıryǵy boıynsha ótinishti qaraý úshin aǵymdaǵy jylǵy 28 qańtardan bastap osy sýbektige qatysty jospardan tys tekseris uıymdastyryldy.
Nátıjesinde faktiler anyqtaldy. Bıylǵy 6 aqpanda Agenttik Astanalyq áýejaıdyń mekenjaıyna Qazaqstan Respýblıkasy tabıǵı monopolııalar jáne retteletin naryqtar týraly zańnamasynyń buzýshylyqtaryn joıý, ıaǵnı áýejaı aýmaǵynda ashyq avtoturaq qyzmetin júzege asyrýdy toqtatý týraly nusqama shyǵardy.
