Astana halqynyń sany bıyl 7 486 adamǵa artty
ASTANA. QazAqparat - Astana qalasy halqynyń sany aǵymdaǵy esep boıynsha 2015 jylǵy 1 mamyrǵa 860 368 adamdy, sonyń ishinde «Almaty» aýdany boıynsha - 380 449 (44,2%), «Esil» aýdany boıynsha - 130 669 (15,2%), «Saryarqa» aýdany boıynsha - 349 250 (40,6%) adamdy qurady, dep habarlady qalalyq ákimdiktiń baspasóz qyzmetinen.
Astana qalasy Statıstıka departamentiniń habarlaýynsha, 2015 jyldyń basymen salystyrǵanda Astana qalasy halqynyń jalpy sany 7 486 adamǵa, sonyń ishinde «Almaty» aýdany boıynsha - 595 adamǵa, «Esil» aýdany boıynsha - 3841 adamǵa, «Saryarqa» aýdany boıynsha - 3050 adamǵa kóbeıdi.
2015 jylǵy qańtar-sáýirde halyqtyń tabıǵı ósimi 6803 adamdy, kóshi-qon ósimi 683 adamdy qurady. 2015 jylǵy qańtar-sáýirde Astana qalasy boıynsha tutastaı alǵanda 8089 týylǵandar tirkeldi, bul ótken jylǵy sáıkes kezeńmen salystyrǵanda 5,4% kóp. Sonymen qatar, halyqtyń tabıǵı ósimi ótken jylǵy qańtar-sáýirmen salystyrǵanda 4,7%-ǵa artyp, 6803 adamdy qurady. 2015 jylǵy qańtar-sáýirde AHAT organdarynda tirkelgen nekelesýler sany ótken jylǵy sáıkes kezeńmen salystyrǵanda 1,4%-ǵa, ajyrasýlar sany 9,8%-ǵa ósti.
