Astana halqynyń sany artty
ASTANA. QazAqparat - Astana qalasy halqynyń sany aǵymdaǵy esep boıynsha 2015 jylǵy 1 maýsymǵa 861968 adamdy, sonyń ishinde «Almaty» aýdany boıynsha - 380856 (44,2%), «Esil» aýdany boıynsha - 131449 (15,2%), «Saryarqa» aýdany boıynsha 349663 (40,6%) adamdy qurady, dep habarlaıdy elorda ákimdiginiń baspasóz qyzmeti.
Jyl basymen salystyrǵanda Astana qalasy halqynyń jalpy sany 9086 adamǵa, sonyń ishinde «Almaty» aýdany boıynsha - 1002 adamǵa, «Esil» aýdany boıynsha - 4621 adamǵa, «Saryarqa» aýdany boıynsha 3463 adamǵa kóbeıdi.
2015 jylǵy qańtar-mamyrda halyqtyń tabıǵı ósimi 8530 adamdy, kóshi-qon ósimi 556 adamdy qurady.
2015 jylǵy qańtar-mamyrda Astana qalasy boıynsha tutastaı alǵanda 10128 sábıdiń týǵany tirkeldi, bul ótken jylǵy sáıkes kezeńmen salystyrǵanda 5,6% kóp. Sonymen qatar, halyqtyń tabıǵı ósimi ótken jylǵy qańtar-mamyrmen salystyrǵanda 4,9% artyp, 8530 adamdy qurady.
Osy kezeń ishinde qalada 1598 adam qaıtys boldy, bul 2014 jylǵy qańtar-mamyrdaǵy kórsetkishten 9,2% artyq.
2015 jylǵy qańtar-mamyrda 1 jasqa deıingi 85 náresteniń shetinegeni tirkeldi, bul 2014 jylǵy sáıkes kezeńge qaraǵanda 19 oqıǵaǵa kóp. Sábıler ólim-jitiminiń koeffıtsıenti 8,39 (2014 jylǵy qańtar-mamyrda - 6,88) qurady.
Halyqtyń ólim sebepteriniń negizgi toptarynyń arasynda eń úlken úles salmaqty, ádettegideı, qan aınalymy júıesi aýrýlary - 35,9%, jańa óskin - 20,3%, tynys alý organdarynyń aýrýlary - 11,4% jazataıym oqıǵalar, ýlaný jáne jaraqattaný 11,4% alady.
2015 jylǵy qańtar-mamyrda AHAT organdarynda tirkelgen nekelesýler sany ótken jylǵy sáıkes kezeńmen salystyrǵanda 0,4%, ajyrasýlar sany 10,3% ósti.
