Astana halqynyń sany 808 429 adamdy qurady
ASTANA. 24 jeltoqsan. QazAqparat - Astana qalasyndaǵy halyqtyń sany aǵymdaǵy esep boıynsha 2013 jylǵy 1 qarashada 808429 adamdy qurady, sonyń ishinde Almaty aýdany boıynsha 367807 (45,5%), Esil aýdany boıynsha 111869 (13,8%), Saryarqa aýdany boıynsha 328753 (40,7%) adam. Bul týraly astana.kz saıtyna qalalyq Statıstıka departamentinen habarlady.
2013 jyldyń basymen salystyrǵanda, Astana qalasyndaǵy halyqtyń jalpy sany 30231 adamǵa, sonyń ishinde Almaty aýdany boıynsha 4125 adamǵa, Esil aýdany boıynsha 9132 adamǵa, Saryarqa aýdany boıynsha 16974 adamǵa kóbeıdi.
2013 jylǵy qańtar-qazanda halyqtyń tabıǵı ósimi 15426 adamdy, kóshi-qon ósimi 14805 adamdy qurady.
Ústimizdegi jyldyń qańtar-qazan aılarynda jalpy Astana qalasy boıynsha 18350 týylǵandar tirkeldi. Bul ótken jyldyń sáıkes kezeńimen salystyrǵanda 12,7% artyq. Sonymen qatar, halyqtyń tabıǵı ósimi ótken jylǵy qańtar-qazanmen salystyrǵanda 15,7% kóterildi jáne 15426 adamdy qurady.
Osy aralyqta qalada 2924 adam qaıtys boldy, bul 2012 jylǵy qańtar-qazandaǵy kórsetkishten 0,9% tómen.
Qańtar-qazanda 1 jasqa deıingi balalar óliminiń 165 jaǵdaıy tirkeldi, bul 2012 jyldyń sáıkes kezeńine qaraǵanda 26 jaǵdaıǵa az. Sábıler ólim-jitiminiń koeffıtsıenti 8,99 (2012 jylǵy qańtar-qazanda - 11,73) qurady.
Halyq óliminiń negizgi sebepter toptarynyń arasynda eń úlken úles salmaqty, ádettegideı, qan aınalymy júıesi aýrýlary 36,1%, óskinder 17,3%, jazataıym oqıǵalar, ýlaný jáne jaraqattaný 15,3% alady.
2013 jylǵy qańtar-qazandaǵy AHAT organdarynda tirkelgen nekelesýler sany, ótken jyldyń sáıkes kezeńimen salystyrǵanda 6,6%, ajyrasýlar sany 14,7% kóterildi.
