Astana halqynyń sany 800 myńnan asty
ASTANA. 7 qazan. QazAqparat - 2013 jylǵy 1 qyrkúıektegi jaǵdaı boıynsha, Astana qalasy halqynyń sany 800 656 adamdy, onyń ishinde Almaty aýdany boıynsha 366 219 (45,7%), Esil aýdany boıynsha 110 216 (13,8%),
Saryarqa aýdany boıynsha 324 221 (40,5%) adamdy qurady. Bul týraly astana.kz saıtyna Statıstıka departamentinen habarlady.
«Ústimizdegi jyldyń 8 aıynda Astana qalasy halqynyń jalpy sany 22 458 adamǵa, halyqtyń tabıǵı ósimi 12 085, kóshi-qon ósimi 10 373 adamǵa artty»,- delingen aqparatta.
Qazirgi tańda Astana - aıtarlyqtaı úlken qala, aýmaǵy 710,0 sharshy shaqyrym. Elordanyń Astana qalasyna aýystyrylýy qala halqy sanynyń ekpindi ósýine ákeldi. Halyq sany boıynsha Astana qalasy Qazaqstan Respýblıkasynda Ońtústik Qazaqstan, Almaty oblystarynan, Almaty qalasynan, Shyǵys Qazaqstan, Qaraǵandy, Jambyl, Qostanaı, Aqtóbe oblystarynan keıin 9 orynda.
2013 jylǵy 1 qańtarda halyq sanynyń tyǵyzdyǵy sharshy shaqyrymǵa 1096 adamnan kelip otyr.
Sońǵy málimetter boıynsha Astana halqynyń ortasha jasy 30 jasty qurady.
