Astana halqynyń sany 770 myńnan asyp jyǵyldy
ASTANA. 13 maýsym. QazAqparat - 2013 jyldyń 1 maýsymyndaǵy málimetter boıynsha, Astana turǵyndarynyń sany 788 myń adamǵa jetti.
Bul týraly Respýblıkalyq densaýlyq saqtaý ortalyǵynan habarlady.
«Usynylǵan statıstıkalyq málimetterge sáıkes, 2013 jyldyń bes aıynda ótken jyldyń sáıkes merzimimen salystyrǵanda elorda halqynyń sany 3 paıyzǵa artty. Elimizdiń bas qalasynda 401 758 áıel tursa, erlerdiń qatary 376 508 adamdy quraıdy. Bul barlyq halyqtyń 51,52 jáne 48,48 paıyzy», - delingen habarlamada.
Ortalyqtyń aqparaty boıynsha, Astanada 18 jastan joǵary eresekterdiń qatary basym - 580 208 adam (74,55 paıyz), 14 jasqa deıingi balalar 171 366 (22,02 paıyz) quraıdy. Astanalyqtardyń jartysyna jýyǵy nemese 364 396 adam «Almaty» aýdanynda, 40,8 paıyzy «Saryarqa» aýdanynda tútin tútetip otyr. Al elordanyń eń jas «Esil» aýdanynda qalalyqtardyń 13,6 paıyzy turady.
