Astana halqynyń sany 13 myńǵa artty
ASTANA. QazAqparat - Astana qalasy Statıstıka departamentiniń habarlaýynsha, elorda halqynyń sany aǵymdaǵy esep boıynsha 2015 jylǵy 1 tamyzdaǵy jaǵdaı boıynsha 866 039, sonyń ishinde «Almaty» aýdany boıynsha - 381 635 (44,1%), «Esil» aýdany boıynsha - 133 402 (15,4%), «Saryarqa» aýdany boıynsha - 351 002 (40,5%) adamdy qurady, dep habarlady astana.gov.kz.
Jyl basymen salystyrǵanda Astana qalasy halqynyń jalpy sany 13 157, sonyń ishinde «Almaty» aýdany boıynsha - 1781 adamǵa, «Esil» aýdany boıynsha - 6574 adamǵa, «Saryarqa» aýdany boıynsha 4802 adamǵa artqan. Ústimizdegi jyldyń qańtar-shilde aılarynda halyqtyń tabıǵı ósimi 12 684 adamdy, kóshi-qon ósimi 473 adamdy qurady.
Atalǵan merzimde Astana qalasy boıynsha tutastaı alǵanda 149 95 sábı týǵan, bul ótken jyldyń sáıkes kezeńimen salystyrǵanda 8,5% kóp. Sonymen qatar, halyqtyń tabıǵı ósimi ótken jylǵy qańtar-shildemen salystyrǵanda 8% ósip, 12 684 adamdy qurady.
2015 jylǵy qańtar-shildede AHAT organdarynda tirkelgen nekeler sany ótken jyldyń sáıkes kezeńimen salystyrǵanda 2,1% azaıdy, ajyrasýlar sany 10% ósken.
