Astana halqy bes aıda 12 myń adamǵa artty
ASTANA. 23 shilde. QazAqparat - Astana qalasynyń halqynyń sany 2013 jyly 1 maýsym jaǵdaıynda 790 238 adamdy, sonyń ishinde, Almaty aýdany boıynsha - 364 790 (46,2%), Esil aýdanynda - 106 854 (13,5%), Saryarqa aýdanynda - 318 594 (40,3%) adamdy qurady. Bul týraly astana.kz saıtyna Statıstıka departamentinen habarlady.
«2013 jyldyń basymen salystyrǵanda Astana qalasyndaǵy halyqtyń jalpy sany 12 040 adamǵa, sonyń ishinde Almaty aýdany boıynsha - 1108, Esil aýdanynda - 4117, Saryarqa aýdanynda - 6815 adamǵa ósken»,- delingen vedomstvo aqparatynda.
2013 jyldyń qańtar-mamyr aılarynda halyqtyń tabıǵı ósimi 7240 adamdy, kóshi-qon ósimi 4 800 adamdy qurady.
Departamenttiń málimetterine sáıkes, alǵashqy bes aıdyń ishinde Astana qalasy boıynsha 8733 sábı dúnıege kelgen, bul ótken jyldyń sáıkes kezeńimen salystyrǵanda 13,3% artyq.
Sonymen qatar, ótken jyldyń qańtar-mamyr aılarymen salystyrǵanda halyqtyń tabıǵı ósimi 17,1% artty.
Osy kezeńde qalada 1493 adam kóz jumdy, bul 2012 jylǵy qańtar-mamyr aılaryndaǵydan 1,9% tómen.
Budan bólek, 2013 jyldyń qańtar-mamyr aılarynda AHAT organdarynda tirkelgen nekelesýler sany ótken jyldyń sáıkes kezeńimen salystyrǵanda 7,8%-ǵa, ajyrasýlar sany 12,4%-ǵa artqan.
