Astana halqy arasynda quqyqtyq nasıhat pen quqyqtyq mádenıetti arttyrýdy uıymdastyrý taqyrybynda dóńgelek ústel ótti
ASTANA. 23 qarasha. QazAqparat - Búgin elordanyń Ádilet departamentinde «Astana qalasynyń halqy arasynda quqyqtyq nasıhat pen quqyqtyq mádenıetti arttyrýdy uıymdastyrý» taqyrybynda dóńgelek ústel ótti.
Atalǵan departamenttiń bas mamany Zýra Jaqııanovanyń aıtýynsha, qazan aıynda eki úlken is-shara ótip, onyń birinshisinde QR Prezıdenti janyndaǵy Quqyqtyq saıasat jónindegi keńes halyq arasynda quqyqtyq jumystardy jetildirý týraly máselelerdi qarastyrǵan. Al 17 respýblıkalyq vedomstvonyń qatysýymen ótken QR Ádilet mınıstrliginiń Úılestirý keńesinde quqyqtyq túsindirý jumystary respýblıkalyq baǵdarlamasyna ózgerister engizý, Prezıdent Apparatynan túsken tapsyrmalardy oryndaý jaıttary talqylanǵan.
«Qazirgi ýaqytta biz qalalyq deńgeıdegi atqarýshy organ retinde is-áreket josparyn birlesip ázirlep, halyqpen jumysty shıratýymyz qajet. Quqyqtyq reformanyń ekinshi kezeńi quqyq qorǵaý júıesin reformalaýmen bastaldy. Búgingi tańda qalanyń barlyq zańgerlik qyzmeti QR zańnamasyndaǵy ózgeristerge sáıkes bolýy kerek», - dedi ol.
Z.Jaqııanovanyń atap ótýine qaraǵanda, qalalyq ádilet departamenti basqa memlekettik organdarmen birlesip jumys isteýdi bastap ta ketken. Máselen, halyq arasynda quqyqtyq túsindirý jumystaryn ótkizý úshin bilim berý oshaqtarymen yntymaqtasý jaqsy jolǵa qoıylǵan. Sondaı-aq Qylmystyq atqarý júıesi komıtetimen de birlesip jumystar atqarylýda.
«Mektepterde biz Elbasy Joldaýyn talqylap, quqyqtyq saıasat tujyrymdasyn túsindiremiz», - dedi bas maman.
