Astana halqy 200 bozbalany ásker qataryna shyǵaryp saldy

Bıyl elordadan Qazaqstannyń Qarýly Kúshteriniń qataryna áskerı qyzmetin óteýge 200 adam attanbaq. Áskerge shaqyrylýshylardy saltanatty shyǵaryp salý QR Qarýly Kúshteriniń ımıdjin kóterý baǵyttynda «Astana jastary jáne biryńǵaı armııa» aktsııasy aıasynda ótýde. Bul sharaǵa 1 myńǵa tarta astanalyq oqýshy qatysty.

Saltanat aıasynda ardagerler men Respýblıkalyq Ulan sarbazdary Otan qorǵaýshylar alańyndaǵy Máńgilik alaýǵa Uly Otan soǵysynda qaza tapqan jaýyngerlerdiń qurmetine gúl shoqtaryn qoıdy.

Sonymen qatar Halyq qaharmany, QR Parlamenti Májilisiniń depýtaty, Aýǵan soǵysynyń ardageri, general-leıtenant Baqytjan Ertaev ásker sapyna shaqyrylǵandarǵa amanat sózderin aıtyp, jınalǵan mektep oqýshylaryna, bastapqy áskerı sabaqta belsendilik kórsetken ásker jasyndaǵy jastarǵa áskerge shaqyrý ýchaskesine tirkeý týraly kýálikterdi saltanatty túrde tabys etti.

«Bizdiń babalarymyz, Qabanbaı, Naýryzbaı, Raıymbek batyrlarymyz ne úshin jandaryn pıda etti?! Árıne - biz úshin. Atqa minip, naıza alyp, jaýǵa qarsy shyqqanda, bizder úshin qan tókken, osy elge, jerge ıe bolyp qalsyn dep qurban boldy. Mine, solardyń arqasynda Egemendi elimizdiń myrzasy boldyq. Endi ony qorǵap, ary qaraı kórkeıtý árqaısymyzdyń boryshymyz!», - dedi B.Ertaev.

Aktsııa «Qalqan» arnaıy jasaǵy vzvodynyń desanttyq-shabýyldaýshy brıgadasynyń, Qazaqstan Respýblıkasy Qorǵanys mınıstrliginiń aeroutqyrlar áskeriniń jáne Qazaqstan Respýblıkasy Respýblıkalyq gvardııa qurmetti qaraýylynyń defıle rotasynyń óner kórsetýimen aıaqtaldy.

Sondaı-aq, alańda áskerı tehnıkalar men atqyshtar qarýy jáne áskerı jasaq bólimderiniń kórmeleri uıymdastyryldy. Aktsııaǵa qatysýshylarǵa «AK-74» atys qarýyn buzyp,qaıta jınaý mashyqtary kórsetildi.