Astana halqy 1,7 mln adamnan asty
ASTANA. KAZINFORM – 2026 jylǵy 1 qyrkúıekte Astana halqynyń sany 1 700 385 adamǵa jetti. Bul týraly Ulttyq statıstıka bıýrosy málim etti.
Tamyz aıynda elorda turǵyndarynyń sany 9 780 adamǵa kóbeıgen. Jyl basynan beri Astana halqy 61 209 adamǵa artty.
1 qyrkúıekte Qazaqstan halqynyń sany 20 618 796 adam boldy. Jyl basynda bul kórsetkish 20 499 822 adam bolǵan.
Halqy eń kóp óńirler – Almaty qalasy men Túrkistan oblysy. 1 qyrkúıekte Almatyda 2 387 896 adam, Túrkistan oblysynda 2 142 709 adam turǵan. Bir aıda Almaty halqy 8 myńnan astam adamǵa kóbeıse, Túrkistan oblysynyń halqy 2 myńnan astam adamǵa azaıǵan.
Halqy bir mıllıonnan asatyn ózge óńirler:
— Almaty oblysy – 1 615 631 adam;
— Shymkent qalasy – 1 316 888 adam;
— Jambyl oblysy – 1 210 084 adam;
— Qaraǵandy oblysy – 1 130 123 adam.
Halqy eń az óńir – Ulytaý oblysy. Munda 217 274 adam turady. Soltústik Qazaqstan oblysynda 510 756 adam, Abaı oblysynda 590 702 adam turady.
1 qyrkúıekte elimizdegi aýyl halqynyń sany 7 382 755 adam boldy.
Eske sala keteıik, 2026 jylǵy shildede Qazaqstan halqy 14 230 adamǵa kóbeıip, 1 tamyzda 20 mln 604,8 myń adamǵa jetken edi.
