Astana halyqaralyq forýmynyń shyǵynyn demeýshiler kóteredi - Serik Jumanǵarın

ASTANA. KAZINFORM – Astana halyqaralyq forýmynyń shyǵyndary negizinen demeýshiler esebinen jabylady. Bul týraly Premer-mınıstrdiń orynbasary – Ulttyq ekonomıka mınıstri Serik Jumanǵarın málim etti.

Búgin Senattyń jalpy otyrysynan keıingi baspasóz máslıhatynda tilshiler bıýdjet qarajatyn únemdeýge qatysty suraq qoıdy. Bul turǵyda túrli forýmdardy shekteý máselesi kóterildi.

Óz kezeginde S. Jumanǵarın aldaǵy ýaqytta uıymdastyrylatyn Astana halyqaralyq forýmynyń tarıhy 2008 jyldan bastalǵanyn aıtty.

- Osyǵan deıin koronavırýs kezinde 2 jyl ótkizbedik jáne byltyr sý tasqynyna baılanysty bir jylǵa toqtattyq. Biraq bul aýqymda is-shara Qazaqstannyń vızıttik kartasy desek bolady. Mundaı forýmdar kerek, sebebi elimizge óte tanymal, salmaqty jáne belsendi adamdardy álem memleketterinen tartady. Prezıdentter, iri bıznes ókilderi keledi. Olar Qazaqstannyń áleýetimen tanysyp, qarajat salady. Sondyqtan forýmdy uıymdastyramyz», - dedi Úkimet basshysynyń orynbasary.

Onyń aıtýynsha, atalǵan forým negizinen demeýshiler qarajaty esebinen ótkizilmek. ıAǵnı demeýshiler qarajaty jetse, bıýdjetten aqsha bólinbeıdi.

- Múmkindik bolsa, oǵan bıýdjet qarajaty múldem jumsalmaıdy. Jalpy, forýmdy ótkizýge 4,5 mlrd teńge jetedi. 1,5 mlrd teńge bıýdjetten bólinýi yqtımal, al qalǵany demeýshiler esebinen júzege asyrylady, - dedi Serik Jumanǵarın.

Eske salsaq, jaqynda Úkimet basshysynyń Astana halyqaralyq forýmyn ótkizý týraly ókimi shyqty. 

Byltyr sý tasqynyna baılanysty bul forým ótpedi.