Astana halyqaralyq áýejaıyndaǵy jumys qaıta jandandy

ASTANA. KAZINFORM - Astana halyqaralyq áýejaıyndaǵy jumys qaıta jandandy, dep habarlaıdy Astana halyqaralyq áýejaıynyń baspasóz qyzmeti. 

«Astana ýaqytymen 10:48–de Astana halyqaralyq áýejaıynyń T2 Іshki ushýlar termınaly qoldanysqa berildi. Іshki ushýlar termınalynda jolaýshylardy reıske tirkeý ashyldy. Sondaı-aq halyqaralyq reıster termınalyn iske qosý jumystary júrip jatyr. Áýejaıdaǵy jumysty jalǵastyrý tótenshe jaǵdaılar mınıstrliginiń mamandarynyń ruqsatymen múmkin boldy», — delingen habarlamada.

Osyǵan deıin Astana halyqaralyq áýejaıynan órt shyǵyp, adamdar evakýatsııalanǵanyn habarladyq.

Sondaı-aq, ázirge 18 reıs keshiktirilip jatyr.