Astana halyqaralyq áýejaıynda terrorızmge qarsy jattyǵýlar ótip jatyr

ASTANA. KAZINFORM –  14 sáýirde «Nursultan Nazarbaev» atyndaǵy Astana áýejaıynda UQK Terrorızmge qarsy ortalyǵy «Naıza – terrorızmge qarsy-2025» atty terrorızmge qarsy oqý is-sharasyn ótkizedi. Bul týraly Astana qalasy ákimdiginiń baspasóz qyzmeti habarlady. 

— Azamattardan ótkizilip jatqan is-sharaǵa túsinistikpen qaraýdy suraıdy. Іs-sharany ótkizý kezinde áýe jáne avtokólik qozǵalysyn shekteý kózdelmegen. Qaýipsizdik sharalaryn saqtaýdy jáne memlekettik organ qyzmetkerleriniń zańdy talaptaryn oryndaýdy suraımyz, — delingen habarlamada. 

Sondaı-aq, resmı aqparat kózderin basshylyqqa alyp, jalǵan aqparattyń taralýyna jol bermeý kerek.

Aıta ketelik Qazaqstan terrorızm qaýpi eń tómen elderdiń qatarynda.