Astana halyqaralyq áýejaıy jolaýshylarǵa mańyzdy habarlama jasady

ASTANA. KAZINFORM — 2 tamyzdan bastap «Ulttyq aqparattyq tehnologııalar» AQ josparly tehnıkalyq jumystar júrgizedi, dep habarlaıdy Nursultan Nazarbaev halyqaralyq áýejaıynyń baspasóz qyzmeti.

— 2025 jylǵy 2 tamyzda saǵat 02:00–den 06:00–ge deıin «Ulttyq aqparattyq tehnologııalar» AQ (UAT) josparly tehnıkalyq jumystar júrgizetinin habarlaımyz. Bul jumystar tsıfrlyq servısterdiń turaqty jumysyn qamtamasyz etýge baǵyttalǵan, — dep eskertti halyqaralyq áýejaı.

Kórsetilgen ýaqyt aralyǵynda kelesi memlekettik elektrondyq qyzmetterge ýaqytsha qoljetimdilik shekteledi:

• eGov.kz portaly jáne eGov Mobile mobıldi qosymshasy («Tsıfrlyq qujattar» qyzmetin qosa alǵanda);
• e-Otinish, E-license portaldary jáne Ashyq úkimet júıeleri;
• QR Ulttyq kýálandyrýshy ortalyǵynyń (UKO) servısteri;
• Ekinshi deńgeıli bankterdiń jáne basqa da biriktirilgen júıelerdiń memlekettik qyzmetterge arnalǵan mobıldi qosymshalary.

— Memlekettik qyzmetter portaldarynda qajetti operatsııalardy aldyn ala aıaqtaýdy; Tulǵany kýálandyratyn qujattyń túpnusqasyn ózińizben birge alyp júrýdi usynamyz, — dep eskertti áýejaıdyń baspasóz qyzmeti.

Budan buryn 27 shildede áleýmettik jelide Astana áýejaıyn sý basqan beınejazba tarady. Áýejaıdyń baspasóz qyzmeti jaǵdaıdyń sebebin túsindirdi.