27 reıs keshiktirilýde — Astana áýejaıy ýaqytsha jabyldy

Astana halyqaralyq áýejaıy kún raıynyń buzylýyna baılanysty ýaqytsha jabyldy, dep habarlaıdy Kazinform. 

"Qolaısyz aýa raıyna baılanysty Astana halyqaralyq áýejaıynyń áýeaılaǵy 30 jeltoqsan 09:00-12:00 aralyǵynda jabyq. Qazir elorda áýejaıyna qonatyn 27 áýe reısi keshiktirilýde. Sondaı-aq áýejaıdaǵy ushý-qoný úshin qolaısyz aýa-raıy ornaýyna baılanysty áýekompanııalar reısterin keıinge qaldyrýǵa sheshim qabyldady" dep habarlaıdy áýejaıdyń baspasóz qyzmeti. 
aıta keteıik, buǵan deıin aýa raıynyń qolaısyzdyǵyna baılanysty Astana áýejaıynan ushyp shyǵatyn 12 reıs jáne ushyp kelýi tıis 19 reıs ýaqyty keıinge shegerilgenin jazǵan edik.

10:00-degi jaǵdaı boıynsha 27 reıs áli de keshiktirilýde.

Keshiktirilgen reıster kelesi reısterdiń keshigýine ákelýi múmkin, osyǵan baılanysty jolaýshylarǵa áýekompanııalardyń anyqtamalyq qyzmetterinde reıstiń mártebesi men ushý ýaqytyn aldyn ala naqtylap alǵany jón.

Sonymen qatar, áýe kompanııanyń kinásinen reıs keshiktirilgen jaǵdaıda, jolaýshylarǵa Qazaqstan Respýblıkasynyń zańnamasynda kózdelgen keshigý uzaqtyǵyna baılanysty qyzmetter (salqyn sýsyndar, ystyq tamaq, qonaqúıde ornalastyrý) usynylady.