Astana halyqaralyq áýejaıy 11, 16, 18 qazan kúnderi jóndeýge jabylady

FLyArystan áýe kompanııasy Astana halyqaralyq áýejaıynyń jóndeý jumystaryna jabylatynyn málimdedi, dep habarlaıdy QazAqparat. 

«Astana qalasyndaǵy Nursultan Nazarbaev halyqaralyq áýejaıy 11 qazan, 16 qazan jáne 18 qazan kúnderi 13:20 — 17:20 aralyǵynda jabylatynyn habarlaımyz. Áýejaıdyń jabylý sebebi — ushý-qoný jolaǵynda júrgiziletin jóndeý jumystary» delingen kompanııa habarlamasynda. 

FlyArystan reısteri jóndeý jumysynyń ýaqytymen sáıkes keletin jolaýshylar úshin alternatıvti ushý kúnderin usyndy.

Aǵymdaǵy ushý ýaqyty/kúni týraly aqparat jolaýshylarǵa bılet brondaý kezinde kórsetilgen telefon nómiri men elektrondy poshtaǵa jeke habarlama arqyly jiberiledi. 

«Bul ózgeris áýekompanııanyń baqylaýynan tys jaǵdaı ekendigine nazar aýdarýyńyzdy suraımyz. FlyArystan Astana qalasynyń áýejaıyn ushý qaýipsizdigin qamtamasyz etý maqsatynda júrgiziletin jumystaryn qoldaıdy, biraq bul ózgerister jolaýshylar josparyna áser etetinine ókinish bildiredi» deıdi kompanııadan.

FlyArystan óz kezeginde jolaýshylarǵa yńǵaıly ýaqytty usyný maqsatynda jańa ushý kestesin qarastyryp jatyr.