Paraatletter Astana Half Marathon jarysyna qatysty
ASTANA. KAZINFORM – Elordada dástúrli Astana Half Marathon jarysy ótti. Jarys aıasynda quramyna 40-qa jýyq adam kirgen Funduk Team ınklıýzıvti komandasynyń 10 ekıpajy startqa shyqty, dep jazdy qala ákimdiginiń resmı saıty.
Ár ekıpaj bir shtýrmannan – ınklıýzıvti qatysýshy jáne oǵan qashyqtyqty eńserýge kómektesken úsh pılottan turdy. Mundaı bastamalar ınklıýzıvti ortany damytýǵa jáne qalalyq keńistiktiń barlyq turǵyn úshin qoljetimdi ári jaıly etý qaǵıdattaryn ilgeriletýge yqpal etedi.
– Men úshin mundaı marafonǵa qatysý – eń aldymen iri sporttyq oqıǵanyń atmosferasyn sezinip, osy is-sharanyń bir bóligine aınalý múmkindigi. Kórermenderdiń qoldaýyn seziný jáne osyndaı is-sharalardyń barlyq qatysýshy úshin barǵan saıyn qoljetimdi bolyp kele jatqanyn kórý qýantady, – dedi jarysqa qatysýshylardyń biri.
Aıta keteıik, bıylǵy Astana Half Marathon jarysy álemniń 30-dan astam elinen kelgen shamamen 7000 qatysýshynyń basyn qosady.
Marafon baǵyty elordanyń negizgi kósheleri men kórikti oryndaryn qamtydy. Іs-shara baǵdarlamasynda 21,1 shaqyrym, 10 shaqyrym, skandınavııalyq júris jáne «Ekıden» komandalyq estafetasy boıynsha jarystar ótti.
Aıta keteıik, 80 jastaǵy astanalyq marafonshy jaraqatyna qaramastan Keıptaýnda márege jetti.
