Astana habynda Elektrondy úkimetter alıansy quryldy
Praktıkter Alıansy «teń teńimen» qaǵıdatyna saı Ekonomıkalyq yntymaqtastyq jáne damý uıymy (EYDU) ádisi boıynsha qurylyp, aımaqtyń 7 memleket arasynda yntymaqtastyqty arttyrý jáne memlekettik qyzmet kórsetýdi tsıfrlandyrý boıynsha tájirıbe almasýǵa negizdelgen.
«Teń teńimen» qaǵıdaty boıynsha oqytý áleýmettik-ekonomıkalyq jaǵdaılary uqsas elder arasynda turaqty túrde tájirıbe almasýdy bildiredi. Alıans memleketti tsıfrlandyrý maqsatynda ortaq sheshimder men ıdeıalar izdeýge jol ashady. EYDU osy maqsattarǵa jetýge árkez qoldaý kórsetýge ázir», - dedi EYDU-nyń Memlekettik basqarý boıynsha dırektorat sarapshysy Joao Rıkardo Vaskonselos.
Estonııanyń elektrondy úkimet akademııasynyń keńesi múshesi Krıstın Leıtnerdiń aıtýynsha, alıansqa múshe memleketterdiń ókilderin óz eline shaqyrdy. «Alıansqa kiretin elderdiń ókilderine qazir memlekettik qyzmettiń 99 paıyzy onlaın rejımde kórsetiletin Estonııanyń ýákiletti organdaryna tanystyrý sapary uıymdastyrylady», - dedi ol.
«Zerde» holdıngi basqarma tóraǵasy orynbasary Janat Jahmetova Qazaqstannyń tsıfrly memleketti damytýda eleýli nátıjege jetkendigin aıta otyryp, praktıkter Alıansy elektrondy úkimetti damytýǵa tyń serpin beretinine úmit artatyndyǵyn jetkizdi.
Bul Alıansty qurý ıdeıasy 2017 jyly memlekettik basqarý salasy sarapshylaryna arnalǵan memlekettik qyzmetterdi tsıfrlandyrý boıynsha halyqaralyq semınar kezinde kóterilgen. Bul - Astana haby qurǵan ekinshi Alıans. 2016 jyly Ázerbaıjan, Grýzııa jáne Qazaqstan memlekettik qyzmet kórsetý boıynsha Alıans qurylyp, onyń nátıjesinde úsh eldegi «bir tereze» qaǵıdaty boıynsha úsh zertteý jumysy jasalǵan bolatyn.
Aıta keterligi, EYDU - Astana habynyń strategııalyq seriktesi ári quryltaıshylarynyń biri.
«Biz Habtyń memlekettik qyzmetti jetildirý salasynda tájirıbe men bilim almasý úshin kópjaqty, moıyndalǵan tuǵyrnamaǵa aınalǵandyǵyn maqtan etemiz», - dedi EYDU-nyń Memlekettik basqarý jónindegi dırektoratynyń basshysy Markos Bontýrı.
