Astana haby pandemııa boıynsha tájirıbe almasatyn Vırtýaldy Alıans qurdy
NUR-SULTAN. QazAqparat - Astana memlekettik qyzmet haby COVID-19 pandemııasymen kúreste memleketter úkimetterine qoldaý kórsetý maqsatynda praktıkterdiń Vırtýaldy Alıansyn iske qosty. Qazir platformada Eýropalyq Odaq, TMD, Koreıa Respýblıkasy jáne halyqaralyq uıymdar tájirıbelerin kórsetetin praktıkalyq materıaldar jınaqtalǵan. Vırtýaldy alań materıaldardyń kelip túsýine baılanysty keńeıe túsedi, dep habarlaıdy QazAqparat.
Vırtýaldy Alıans - Hab qatysýshy elderi men seriktesteriniń zertteýleri, ınnovatsııalyq sheshimderi men tehnologııalary jınaqtalǵan tsıfrly alań. Qazirgi praktıkter alıanstary qatysýshylarymen ózara árekettestik nátıjesinde alynǵan saraptamalyq materıaldar pandemııa jaǵdaıynda memlekettik basqarý tıimdiligin arttyrýǵa, kórsetiletin memqyzmet sapasyn kóterýge jáne olardyń saldaryn daǵdarystan keıingi kezeńde joıýǵa baǵyttalǵan.
«Vırtýaldy Alıans qurý qajettiligi, birinshiden, álemdegi tótenshe jaǵdaıdyń aýqymdylyǵyna, ekinshiden, sarapshylar men praktıkter tarapynan Habtaǵy materıaldarǵa qyzyǵýshylyq joǵarlaýymen, úshinshiden, qazirgi jaǵdaıda tájirıbe almasý men ınnovatsııalar daıarlap, engizý mańyzdylyǵyna baılanysty týyndady», - delingen baspasóz baıanynda.
Málimetke qaraǵanda, búgingi tańda qazirgi jaǵdaı ereksheligine qaraı memlekettik basqarýdaǵy ozyq ınnovatsııalyq sheshimder boıynsha Hab birqatar memleketter men halyqaralyq uıymdardan aqparat aldy. Olar - Ázerbaıjan, Armenııa, Grekııa, Qazaqstan, Portýgalııa, Koreıa Respýblıkasy jáne BUU eriktilerge arnalǵan baǵdarlamasy (UNV), Halyqaralyq personaldy basqarý assotsıatsııasy (IPMA-HR, AQSh) jáne GmbH ınnovatsııalar boıysha DO mektep-zerthanasy (Germanııa).
Máselen, ázerbaıjandyq áriptesterdiń karantın kezeńinde azamattardyń qozǵalysyn onlaın-tirkeý tájirıbesi Qazaqstanda qoldanys tapqan. Túrkistan ákimdigi osyndaı júıeni sátti engizip, Qazaqstannyń basqa aımaqtary men qatysýshy –memleketter qyzyǵýshylyq tanytty.
Sonymen qatar, Vırtýaldy Alıansta qatysshýy-elderdegi sátti keıster negizinde memlekettik basqarý, bilim berý, medıtsına jáne ekonomıka salalary boıynsha ózekti saraptamalyq jáne praktıkalyq materıaldar jınaqtalǵan. Bul tsıfrlyq alań úkimetke, seriktesterge, zertteýshilerge jáne múddeli tulǵalarǵa kóptegen memleketterdiń tájirıbelerin zerdeleýge jáne pandemııa jaǵdaıynda memlekettik basqarýdyń tıimdiligin arttyrýǵa baǵyttalǵan ózindik erekshe sheshim jasaýǵa múmkindik beredi.
Osy rette Hab pandemııa kezindegi úzdik tájirıbe ján nátıjelermen bólisýg shaqyrady. Habtyń saıtynda usynylǵan materıaldardy myna silteme arqyly taba alasyzdar: https://www.astanacivilservicehub.org/ru/page/covid-19
