Astana haby men Reseıdiń halyq sharýashylyǵy akademııasy memorandýmǵa qol qoıdy
ASTANA. QazAqparat - Memlekettik qyzmet salasyndaǵy Astana habynyń basqarýshy komıtet tóraǵasy Álıhan Baımenov pen RF Prezıdenti janyndaǵy Halyq sharýashylyǵy jáne memlekettik qyzmet akademııasynyń Rektory Vladımır Maý eki uıym arasyndaǵy túsinistik týraly Memorandýmǵa qol qoıdy, dep habarlaıdy QazAqparat.
Memorandým aýqymynda memlekettik basqarýdyń ózekti máseleleri boıynsha birlesken bilim berý jáne ǵylymı-zertteý sharalaryn ótkizý, semınarlar men ǵylymı konferentsııalarǵa qatysý josparlanǵan.
Máskeýge sapary barysynda Alıhan Baımenov Gaıdar forýmyndaǵy TMD elderi memlekettik qyzmetkerleriniń biliktilik máseleleri boıynsha sessııasynda moderator boldy.
Sessııaǵa qatysýshylar memlekettik basqarý kadrlaryn daıarlaý máseleleri boıynsha tájirıbe almasty. Olarǵa Qazaqstan, Reseı, Moldova, Armenııa, Qyrǵyzstan, Tájikstan jáne Ózbekstannyń jetekshi joǵary oqý oryndary men uıymdarynyń memlekettik basqarý salasyndaǵy bilim berý jobalary tanystyryldy.
Gaıdar forýmy - álemniń ár elinen kelgen belgili ǵalymdar, bılik organdary ókilderi, qoǵamdyq jáne saıası qaıratkerler, kásipkerler - barlyǵy 15 myń adam qatysqan ǵylymı-praktıkalyq konferentsııa.
