Astana haby Koreıamen birlesip tsıfrlyq úkimetti damytýǵa arnalǵan kýrs ótkizedi
«Koreıa Respýblıkasynyń Tsıfrlyq úkimet salasyndaǵy saıasaty men ozyq tájirbıesi» onlaın-kýrsy Koreıa Respýblıkasy Úkimeti, BUU Damý Baǵdarlamasy men Astana memlekettik qyzmet haby birlesken úsh jyldyq jobasy aıasynda ázirlendi. Oqytý barysynda Ortalyq Azııa men Kavkazdyń jeti eliniń memlekettik organdarynyń tsıfrlandyrýǵa jaýapty 40-qa jýyq ókili strategııany, saıasatty, jetistikterdi, ınnovatsııalyq tásilder men jańa tehnologııalardy qosa alǵanda, tsıfrlyq úkimetti damytý boıynsha Koreıanyń ozyq tájirıbesin zerdeleýge múmkindik alady. Kýrs sheńberinde qatysýshylar tsıfrlyq úkimet jobalaryn ázirleý men iske asyrý, kıberqaýipsizdikti basqarý, proaktıvti qyzmetterge kóshý, G-cloud-ta derekter men qujattardy saqtaý jáne t.b. baǵytta tıimdi ádistermen tanysady.
Onlaın kýrsty asha otyryp, Astana memlekettik qyzmet habynyń basqarýshy komıtet tóraǵasy Alıhan Baımenov: «tsıfrlandyrý – búgingi tańda ómirlik qajettilik, oǵan pandemııa kezeńinde taǵy da kóz jetkizgenimizdi» atap ótti. Ol «tsıfrlyq transformatsııa jáne jańa tehnologııalar tıimdi paıdalanǵan jaǵdaıda azamattardyń úkimet sheshimderine senim deńgeıin arttyrýǵa kómektesetinin, bul tek áleýmettik qundylyq qana emes, sonymen qatar mańyzdy ákimshilik kapıtal ekenin», -dep atap ótti.
Óz kezeginde Koreıa Respýblıkasy Tsıfrlyq úkimet bıýrosy bas dırektory Sýh Boram Koreıanyń keıbir ınnovatsııalyq sheshimderi týraly aıtyp, osy daǵdarysty úlken ózgerister úshin jańa múmkindikke aınaldyrý maqsatynda memlekettik jáne jeke sektorlarmen yntymaqtastyq pen tájirıbe almasýdyń mańyzdylyǵyn atap ótti.
Іs-shara sheńberinde Іshki ister jáne qaýipsizdik mınıstrliginiń Tsıfrlyq úkimet yntymaqtastyǵy bóliminiń (MOIS) dırektory Sondjý Son jáne Koreıa Respýblıkasy Aqparattyq qoǵam máseleleri jónindegi ulttyq agenttigi (NIA) aǵa menedjeri Djeıms Kım sóz sóılep, olar tsıfrlyq úkimettiń saıasaty týraly aıtyp berdi, sondaı-aq úlken derekterdi basqarý jáne taldaý (BigData) boıynsha úzdik tájirbıelermen tanystyrdy. Sondaı-aq, MOIS Tsıfrlyq úkimet yntymaqtastyq bólimi dırektorynyń kómekshisi Namı Kım onlaın-kýrstyń negizgi tustaryn, atap aıtqanda, tabysty tsıfrlyq joba úshin tujyrymdamany (PCP) qalaı ázirleý kerektigine toqtaldy.
Jalpy, onlaın-kýrs qatysýshylarǵa «Google class room» platformasynda negizgi qyzmetten qol úzbeı, yńǵaıly ýaqytta óz betinshe onlaın-kýrstan ótýge múmkindik beredi. Ol segiz modýlden turady jáne jetekshi koreı praktıkterimen jazylǵan beınedáristerdi, sonymen qatar prezentatsııalar men paıdaly anyqtamalyq materıaldardy qamtıdy.
Onlaın-kýrstyń biregeıligi mynada - oqý barysynda qatysýshylar tsıfrlyq jobaǵa arnalǵan tujyrymdama ázirleýge múmkindik alady. Talaptarǵa sáıkes keletin jobalar olardy ári qaraı júzege asyrý úshin Koreıa úkimetinen qarjylandyrýǵa ótinish bere alady.
