Astana ǵylymı-fantastıkalyq fılm alańy ispetti - The Jerusalem Post
ASTANA. QazAqparat - Izraıldiń jetekshi basylymdarynyń biri «The Jerusalem Post» Astana qalasyn ǵylymı-fantastıkalyq fılmniń alańyna uqsatty. «Astana: an architectural playground» maqalasynyń ańdatpasy Izraıldiń Qazaqstandaǵy Elshiliginiń Feısbýktegi resmı paraqshasynda jarııalandy, dep habarlaıdy QazAqparat.
«Astanaǵa qonyp kele jatqan sát bolashaq jaıynda ǵylymı-fantastıkalyq fılm túsirip jatqan túsirilim alańy ispetti: shar nemese «kóz» tárizdes ǵajaıyp ǵımarattar ǵaryshqa kóz tigip, jatjurttyq tirshilik ıesimen tildesip turǵandaı. Ushar basynda súmbisi bar bıik ǵımarattar antennalardy eske túsiredi. Túnde qalanyń basym bóligi jalt-jult etken ottarmen kómkerilip, karnaval kóńil-kúıin syılaıdy. Kóptegen fýtýrıstik fılmder qalany halyq tyǵyz ornalasqan oryn retinde beıneleıdi. Alaıda Astana dál osy qalypty buzyp tur», - dep jazady basylym.
Maqalanyń aǵylshyn tilindegi tolyq nusqasymen myna siltemege ótý arqyly tanysýǵa bolady.
