Astana-Gonkong reısin ashý sharttary talqylanýda
ASTANA. QazAqparat - Astanada Qazaqstan men Gonkong áýe bıliginiń ókilderi eki el arasyndaǵy áýe qatynasy máselelerin talqylady, dep habarlaıdy QazAqparat QR IDM Azamattyq avıatsııa komıtetine silteme jasap.
Gonkong delegatsııasyn bastap kelgen Gonkong arnaıy ákimshilik aýdany Úkimetiniń kólik jáne úı qurylysy Bıýro hatshysynyń bas kómekshisi Ýaı Sam Aý QR IDM Azamattyq avıatsııa komıtetiniń tóraǵasy Talǵat Lastaevpen júrgizgen kelissóz barysynda Almaty men Gonkong áýejaılary arasynda jolaýshylar men júk tasymaldaryn arttyrý múmkindikterin zertteýge qyzyǵýshylyq tanytty. Sondaı-aq, kezdesý barysynda Astana - Gonkong jańa reısin ashý sharttary da talqylandy.
Qazirgi ýaqytta «Eır Astana» áýe kompanııasynyń aptasyna 3 ret qatynaıtyn Almaty - Gonkong baǵyty boıynsha tikeleı turaqty áýe qatynasy bar.
Budan bólek, taraptar bilim berý salasy boıynsha yntymaqtasý máselelerin qarastyrdy. Gonkongtyń Halyqaralyq avıatsııa akademııasynyń prezıdenti Vıvıan Karfaı Cheýng ushqyshtar men avıatsııa mamandaryn oqytý baǵdarlamalarymen jáne oqý ornymen tanystyrdy.
