«Astana» golf-klýbynda Konstıtýtsııa kúni merekesine arnalǵan jarys ótti
Bul «Astana» jýrnaly men golf-klýbtyń alǵashqy birlesken jobasy. Aldaǵy ýaqytta ol dástúrge aınalmaq. Jarysqa osy joly 11 oıynshy qatysyp, oıyn qyzyqty da tartymdy boldy. Týrnır qorytyndysy boıynsha jarystyń kýbogin Hýsnýlla Gýmarov jeńip aldy. Ekinshi oryndy Asqar Ábishev ıelendi. Úshinshi oryn Ibragım Tagashevke buıyrdy. Sondaı-aq Dımash Dosanov, Armen Hachatrıan, Alen Tańatarov pen Saǵı Qudaıbergenovter jarysqa arnaıy daıyndalǵan syılyqtarǵa ıe boldy. Oıynǵa qatysýshylarǵa «Famous» túngi klýbynda kofe-breık uıymdastyryldy.
Jalpy alǵanda jarystyń maqsaty - golf sportyn elimizde keńinen tanymal etý. «Astana» jýrnalynyń Bas redaktory Maqsat Táji-Murattyń sózine qaraǵanda, «Astana» golf-klýbynda osy sport túrin damytýǵa barlyq qolaıly jaǵdaılar jasalǵan. Al oıynshylardyń pikirlerinshe, golf degenińiz tunyp turǵan fılosofııa. Óıtkeni ol durys oılap, jaǵdaıǵa durys beıimdele bilýdi qajet etedi. Oıynshy úshin basty mindet - aldyǵa bir maqsat qoıyp, soǵan jetýge baryn salyp baǵý.