Astana ǵımarattarynyń sapasy týraly jańa portal ashylady
Bul týraly Astana qalasy ákiminiń orynbasary Malıka Bekturova Astanada ótken "CRE Central Asia - 2017" jyljymaıtyn múlik forýmnyń ashylý saltanatynda málim etti.
M.Bekturovanyń aıtýynsha, jyljymaıtyn múlik naryǵynyń damýy qala ekonomıkasynyń negizgi ósý draıveri bolyp sanalady. Kommertsııalyq jáne ózge de jyljymaıtyn múlikti qospaǵanda, Astanada jyl saıyn 2 mıllıon sharshy metrden astam baspana paıdalanýǵa beriledi.
"Qalada aqparat jınaýdyń birneshe tásili bar. Bir ǵana 109 qyzmeti boıynsha sońǵy 9 aıda turǵyn úı men kommertsııalyq qordyń jaǵdaıy men abattandyrylýy týraly qala turǵyndarynan 400 myńnan astam ótinim aldyq. Olardyń kópshiligi lıft jumys istemeıdi nemese jaryqty óshirip tastady degen syńaıda. Sáıkesinshe, mundaı aqparattar Astananyń paıda bolýynan beri jınalyp keledi jáne sońǵy 10 jyl boıy bul derekter tsıfrlyq pishimde saqtalýda. Atalǵan málimetter arqyly qaı turǵyn úı kesheniniń, keńselik ǵımarattyń yńǵaıly nemese problemalyq ekenin bilýge bolady", - dep atap ótti Malıka Bekturova Astanada ótken "CRE Central Asia - 2017" jyljymaıtyn múlik forýmynyń ashylý saltanatynda.
Osyǵan oraı, Malıka Bekturova "opendataastana.kz" portaly ázirlenip jatqanyn jáne kásibı basqarýshylarǵa kómek kórsetý úshin, qalanyń árbir ǵımaraty týraly, árbir kommertsııalyq nysany týraly mol derekke qanyǵý úshin barlyq málimetterdi portalǵa salyp otyratyndaryn jetkizdi.
"Munyń arty nege ákep soǵaryn da shamalap otyrmyz. Biz jarııalaǵan derekterden keıin ózderin premıým nemese bıznes deńgeıindemiz dep sanaıtyn keńseler men ǵımarattardy naryq basqasha qabyldaıtyn bolady jáne jyldar boıy qalyptasqan baǵalar ózgerýi múmkin", - dedi ol. - Naryqqa bizdiń tarapymyzdan aqparat berilýi tıis. Ol úshin jańa strategııa jasap shyǵardyq. Astananyń qalyptasý tájirıbesin zerttedik, qala ekonomıkasynyń bolashaqtaǵy ósý draıverin boljadyq. Árıne, development dál osyndaı draıverlerdiń biri bolyp qala bermek. Sondyqtan, Astana ákimdigi kommertsııalyq jyljymaıtyn múlik naryǵynyń damýyna úlken qyzyǵýshylyq tanytyp otyr".
Sonymen birge, Astana ákiminiń orynbasary jaqyn bolashaqta qurylysty damytý salasynda aıtarlyqtaı ózgerister oryn alatynyn málimdedi.
"Qazirgi ýaqytta eýrostandartty engizýge basa nazar aýdaryp otyrmyz. ıAǵnı, qoldanystaǵy qurylys normalary men erejeleri eskirgen jáne naryq talaptaryna saı kelmeıdi. Sondyqtan, ákimdik janynan ýrbanıstıka ortalyǵy quryldy. Bul ortalyq eski qurylys normalary men erejelerin bizge qolaıly eýrostandarttarǵa aıyrbastaýmen aınalysyp jatyr. Odan bólek, BIM (Building Information Modeling), ıaǵnı ǵımarattyń aqparattyq modeli tehnologııasyn qoldanatyn jobalardy tanystyrý múmkindigin iske qostyq. Jaqyn arada qurylysty damytý salasynda aıtarlyqtaı ózgerister men tolyqtyrýlar oryn alady", - dep sózin túıindedi M. Bekturova.
Aıta keteıik, Astanada CREW (Commercial Real Estate Week) kommertsııalyq jyljymaıtyn múlik aptalyǵy aıasynda "CRE Central Asia - 2017" forýmy bastaldy.
Eki kúnge sozylatyn forým Astana ákimdiginiń qoldaýymen uıymdastyrylǵan jáne bul shara kommertsııalyq jyljymaıtyn múlik naryǵynyń damýymen baılanysty kókeıkesti máselelerdi sheshýge baǵyttalyp otyr.
Forýmnyń alǵashqy kúni jyljymaıtyn múlik nysandarynyń damý máseleleri jónindegi Sammıt jáne qalalardyń ınfraqurylymdyq damýy men jyljymaıtyn múlik taqyrybyndaǵy sessııalar ótedi. Odan bólek, forým delegattary jyljymaıtyn múlik salasyndaǵy praktıkalyq semınarlarǵa qatysa alady. Forým jumysynyń ekinshi kúni ózge elderdegi jyljymaıtyn múlik naryǵynyń jáne atalǵan saladaǵy BIM-tehnologııalardyń damýy taqyrybynda pikirtalastar ótedi.