Astana: Ǵımarat ishinde áıelge kúsh kórsetip, tonap ketken
ASTANA. QazAqparat - Astana polıtsııasy kúsh kórsetip, áıeldi tonap ketken qaraqshyny izdestirip jatyr, dep habarlaıdy QazAqparat tilshisi Astana ІІD baspasóz qyzmetine silteme jasap.
«Astana polıtseıleri 17 sáýir kúni 18:00-de Sáken Seıfýllın kóshesindegi ǵımaratta kúsh kórsetip, aqsha urlaǵan quqyq buzýshynyń jeke basyn anyqtaý jáne ustaý boıynsha jedel-izdestirý sharalaryn júrgizip jatyr», - dep habarlady Departamenttiń baspasóz qyzmetinen.
ІІD-den atap ótkendeı, osy qylmysty jasady degen kúdikpen jasy 25-30 aralyǵyndaǵy, boıy 160-165 sm bolatyn, orta deneli, kók tústi kýrtka, qara tústi shalbar, sur tústi bas kıim, medıtsınalyq maska kıgen jigit izdestirilip jatyr.
Astana qalalyq ІІD qandaı da bir málimetke ıe azamattardyń myna telefondarǵa habarlasýyn suraıdy: 8(87172) 71-66-40, 38-28-08, 87011880462.
