«Astana»-«Galatsaraı» matchy kezinde elordada kólik qozǵalysyna shekteý qoıylady
ASTANA. QazAqparat - ÝEFA Chempıondar lıgasynyń toptyq kezeńinde 30 qyrkúıek kúni «Astana» óz alańynda birinshi kezdesýin ótkizetini belgili.
«Astana-Galatasaraı» matchyn kóremin degen jankúıerlerge qolaıly bolý úshin qala basshylyǵy kelesi sərsenbi kúni keshke saǵat 19.00-den bastap birqatar kóshelerde kólik qozǵalysyna shekteý qoıady. Bul týraly búrin arnaıy brıfıng barysynda Astana qalasy ІІD Əkimshilik polıtsııa basqarmasynyń basshysy Baqytjan Malybaev məlim etti.
«30 qyrkúıek kúni saǵat keshki 19.00-den bastap fýtbol aıaqtalǵansha elordanyń birqatar kóshelerinde kólik qozǵalysyna shekteý qoıylady. Atap aıtsam, Qabanbaı batyr jəne Turan kóshelerinde Kereı-Jənibek handar kóshesinen bastap Hýseın Ben Talal kóshesine deıingi ýchastok jabyq bolady. ıAǵnı, jekemenshik kólikter men taksıler osy aýmaqta júre almaıdy. Sondyqtan, qala turǵyndarynyń «Astana-Arena» stadıonyna Orynbor kóshesiniń boıymen barǵandary jón»,-dep habarlady B.Malybaev.
Əkimshilik polıtsııa basshysy sondaı-aq, mashınalar men avtobýstardyń qozǵalysana kedergi keltirip, jol boıyna kólikterin tastap ketetin júrgizýshilerge eskertý aıtty.
«Osyǵan deıin birneshe úlken match bolǵan kezde, biz jol boıynda turǵan 50 kólikti evakýatormen alyp kettik. 30 qyrkúıek kúni de evakýatorlar jumys isteıdi, ruqsat etilmegen jerde turǵan kólikterdiń barlyǵyn aıyppul turaǵyna alyp ketemiz», - dedi ol.
