«Astana» - «Galatasaraı» matchynyń bıletteri 2-10 myń teńge aralyǵynda satylady

Bul týraly búgin «Astana» fýtbol komandasynyń ÝEFA Chempıondar Lıgasynyń toptyq kezeńine ótýine arnalǵan baspasóz máslıhatynda belgili boldy.

Jýrnalısteriniń suraǵyna jaýap bergen «Astana» fýtbol klýbynyń baspasóz hatshysy Marat Jumabaevtyń aıtýynsha, match bıletterine qatysty qosymsha aqparat komandanyń resmı saıty men áleýmettik jelilerdegi jeke paraqshasynda jarııalanady.

«Biz qazir jankúıerlerge barynsha yńǵaıly bolatyn joldardy qarastyryp jatyrmyz. Múmkin, elektrondy satylymdy iske qosarmyz. Sonymen qatar, bıletterdi satý pýnkterin kóbeıtemiz. Qosymsha aqparat jaqyn kúnderi jarııa bolady», - dedi M.Jumabaev.

Esterińizge sala keteıik, «Astana» fýtbol klýby Qazaqstannyń fýtbol tarıhynda ÝEFA Chempıondar Lıgasynyń toptyq kezeńine ótken alǵashqy komanda. Endi elordanyń fýtbol klýby S tobynda «Benfıka» (Lıssabon, «Portýgalııa», «Atletıko» (Madrıd, Ispanııa) jáne «Galatasaraı» (Ystambul, Túrkııa) komandalaryna qarsy oıyn kórsetedi. Bul kvartette «Astana» 15 qyrkúıekte Portýgalııada «Benfıka» komandasyna qarsy oınaıdy. Al 30 qyrkúıek kúni «Astana» óz alańynda «Galatasaraı» komandasyna qarsy oınaıdy.