«Astana-Galatasaraı»: Match kúni «Astana-Arena» stadıonyna qosymsha 100 avtobýs qatynaıdy
ASTANA. QazAqparat - 30 qyrkúıek kúni «Astana-Arena» stadıonynda ótetin «Astana-Galatasaraı» matchy kezinde stadıonǵa baratyn qoǵamdyq kólikter sany taǵy 100 avtobýs qosylady. Sonymen qatar, qalada alty orynnan arnaıy reıster uıymdastyrylady. Bul týraly búgin match kezinde kólik keptelisin azaıtý jəne tərtip saqtaý shalaryn uıymdastyrý jóninde ótken brıfıng barysynda belgili boldy.
Astana qalalyq jolaýshylar kóligi jəne avtokólik joldary basqarmasy basshysynyń orynbasary Əbdihamıt Tamabaevtyń aıtýynsha, «Astana-Arena» stadıonyna deıin baratyn nómiri 10,12,27,40,43,51 avtobýstarynyń sany sol kúni taǵy 100 avtobýsqa kóbeıedi.
«Bul avtobýstar bekitilgen keste boıynsha burynnan «Astana-Arena» stadıonyna barady. Al «Astana-Galatasaraı» matchy bolatyn kúni osy baǵyttaǵy avtobýstardyń qatary taǵy 100 avtobýspen tolyǵady. Sonymen qatar, qalada alty orynnan arnaıy marshrýttar uıymdastyramyz», - dep habarlady ol.
Ə.Tamabaevtyń aıtýynsha, 30 qyrkúıek kúni «Astana-Arena» stadıonyna deıin «Qazaqstan» sport kesheni, «Əziret Sultan» meshiti, Q.Muńaıtpasov atyndaǵy stadıonnyń janynan, «Jastar» teatry, ıaǵnı, burynǵy K.Baıseıitova atyndaǵy opera jəne balet teatrynyń janynan, «Nur Astana» meshiti men Tsırk ǵımaratynyń aldynan arnaıy marshrýttar qatynaıdy. Bul avtobýstardaǵy bılet baǵasy da qoǵamdyq kóliktegideı 90 teńge kóleminde bekitilgen. Onyń ústine, arnaıy avtobýstardy patýrldik polıtsııa arnaıy baqylaýman aparady.
