«Astana Futures» atty halyqaralyq erler týrnıri bastalady
ASTANA. 14 qarasha. QazAqparat - Búgin elordada Qazaqstan tennıs týry aıasynda júlde qory 10 000 AQSh dollaryn quraıtyn «Astana Futures» atty halyqaralyq erler týrnıri bastalady, dep habarlady QR Tennıs federatsııasyvnyń baspasóz qyzmetinen.
20 qarashaǵa deıin jalǵasatyn halyqaralyq týrnırge Qazaqstan, Reseı, Belarýs, Ózbekstan, Chehııa, Estonııa jáne Slovakııa elderiniń tennısshileri qatysady.
Týrnırdiń negizgi setinde el namysyn Danıl Braýn men Dmıtrıı Makeev qorǵamaq. Sonymen qatar Qazaqstan atynan Serjan Esenbekov, Aıdynbek Raqyshev, Qaırat Kósherov jáne Alekseı Kedrıýk jarys jolyna shyǵady.
Halyqaralyq týrnır «Dáýlet» ulttyq tennıs ortalyǵynyń jabyq kortynda ótedi.
