«Astana» fýtbolshylaryn jeńisterimen quttyqtady
ASTANA. KAZINFORM - Búgin «Astana» komandasynyń fýtbolshylaryn saltanatty túrde Premer-Lıgadaǵy altyn medaldarymen quttyqtady, dep habarlaıdy QazAqparat.
Saltanatty rásimde sóz sóılegen «Astana» klýbynyń bas menedjeri Saıan Hamıtjanovtyń aıtýynsha, komanda aldyna qoıylǵan barlyq mindetterdi oryndap shyqty.
«Biz ózimizdiń osyǵan deıingi jeńisterimizdiń kezdeısoq jetestik emes ekenin dáleldedik. Búginde «Astana» komandasy eldiń eń myqty klýby sanalady»,-dedi ol.
Saltanatty rásimde birqatar syılyqtar tapsyryldy. Sonyń ishinde «kórermender kózaıymy» syılyǵy da bar. Ony legıoner Patrıký Tvýması ıelendi. Ony quttyqtaýǵa Dilnáz Ahmadıeva men «KeshYou» toby keldi.
Jankúıerlerge «Astana» fýtbolshylarynyń osy kezeńde jeńip alǵan syılyqtardyń janynda turyp sýretke túsýdiń múmkindigi týdy.
Bas bapker Stanımır Stoılov Qazaqstan chempıondary jáne el Kýboginiń ıegerlerine qosymsha syılyqtar bolmaıtyndyǵyn eskertti.
«Búgin biz klýbymyz daıyndaǵan kishigirim merekeni atap ótemiz. Sodan soń kelesi oıynǵa daıyndyqty bastaımyz. Budan ózge qandaı da bir jeńildikter nemese syı-syıapattar bolmaıdy»,-dedi ol.
Qar basqan alańda óziniń osy matchqa qatysty pikirin bildirgen Stanımır Stoılov fýtbolshylardyń kez kelgen aýa raıynda oınaı alatyndaryn aıtty.
«Federatsııa osyndaı sheshim qabyldady. Bizde eshqandaı da narazylyq joq. Aýa raıy árıne jaısyz boldy. Alaıda ol birinshi kezekte jankúıerler úshin qolaısyzdyqtar týdyrdy. Fýtbolshylar úshin de ońaı bolǵan joq, biraq bizdiń fýtbolshylar kez kelgen aýa raıynda oınaýǵa ázir. Menińshe, bul óte bir jaqsy maýsym boldy. Barlyq mindetter oryndaldy, tipti josparlaǵannan da jaqsy bolyp shyqty. Eger aldyǵa budan da úlken mindetter qoıamyz desek, onda búgingiden de kúshti nyǵaıtý sharalary men ınvestıtsııalaý qajet»,-dedi ol.
Aıta keteıik, «Astana» úshinshi ret fýtboldan Qazaqstan Kýbogin jeńip aldy. Astanalyq klýb ókilderi Qazaqstan Kýboginiń fınalynda almatylyq «Qaırat» komandasyn 1:0 esebimen jeńdi. Qazaqstan chempıonatyn «Astana» qazan aıynyń sońynda «Oqjetpes» komandasymen teń túsý arqyly jeńip alǵan bolatyn.
