«Astana» fýtbolshylary «Vılıarrealdan» qoryqpaıdy - S. Stoılov
ASTANA. QazAqparat - "Astana" fýtbolshylary ózderiniń Eýropa Lıgasyndaǵy kelesi qarsylasy ıspandyq "Vılıarrealdan" qoryqpaıdy. Bul týraly búgin baspasóz máslıhatynda "Astana" klýbynyń bas bapkeri Stanımır Stoılov málim etti.
"Erteń bizdi óte qıyn jáne mańyzdy match kútip tur. Bizdiń komanda óziniń bar sheberligin ortaǵa salady. Búkil oıynshylar onyń mańyzdylyǵyn túsinedi, sondyqtan tıisti deńgeıde óner kórsetýge daıyndalýda. Shynyna kelsek, "Vılıarreal" erteńgi matchtyń favorıti. Biraq fýtbolda favorıtter árdaıym jeńe bermeıtini de bar. Biz eshkimnen qoryqpaımyz jáne sońyna deıin jan alysyp, jan berisemiz. Bul - fýtbol", - dedi ol.
Onyń sózine qaraǵanda, barlyq oıynshylar, Qaırat Nurdáýletovtan basqasy matchqa tas-túıin daıyn. Erteńgi matchqa elordalyq komandanyń arnaıy daıyndaǵan óz jospary bar.
"Bizge erteń Djovannı Dos Santos sııaqty Eýropanyń eń myqty fýtbolshylary qarsy turady. Olar bizdiń pressıngke tap bolady, sebebi biz tartyssyz berilmeýge bel býǵanbyz", - dep atap ótti Stoılov.
