«Astana» fýtbolshylary óz alańdarynda jeńilissiz serııalardan rekord ornatty
ASTANA. QazAqparat - «Astana» fýtbolshylary «Astana arenadaǵy» sońǵy matchta jeńilis taýyp, jeńilissiz serııalaryn úzdi, dep habarlaıdy «QazAqparat» HAA FK-ynyń saıtyna silteme jasap.
Stanımır Stoılovtyń qamqorlyǵyndaǵy fýtbolshylar óz alańdarynda 26 matchta, kúntizbelik ólshemmen aıtsaq, bir jyldan artyq ýaqyt boıy jeńilmeı kelgen bolatyn.
Sońǵy ret «Astana» óz alańynda 2016 jyldyń 10 qyrkúıeginde jeńiske jetti. Bul 26 matchqa 8 Eýrokýbok aıasyndaǵy oıyndar, olardyń qatarynda 4 Eýropa Lıgasynyń toptyq kezeńi aıasyndaǵy oıyndar, bir kýbok oıyny jáne 17 Qazaqstan chempıonatynyń matchtary kiredi. Buǵan deıin «Astananyń» óz alańdaryndaǵy eń uzaq jeńilissiz serııasy 2014 jyldyń 4 qazanynan 2015 jyldyń 18 tamyzyna deıingi aralyqtaǵy matchtar serııasy bolǵan, munda elordalyq fýtbolshylar óz úılerinde 18 oıynda jeńiske jetti.
