«Astana» fýtbolshylary Glazgoǵa keldi (VIDEO)

ASTANA. QazAqparat - «Astana» fýtbolshylary men bapkerler shtaby Chempıondar lıgasyndaǵy úshinshi biliktilik kezeńindegi jaýap match aıasynda «Seltık» klýbymen kezdesetin Glazgoǵa keldi.

 Fýtbol klýby áleýmettik jelide komandanyń kelý jaıly vıdeo ornalastyrdy.

«Astana» FK baspasóz qyzmetiniń habarlaýynsha, elordalyq komanda Shotlandııaǵa 21 oıynshy bar quramamen attanǵan.

Eske sala ketsek, fýtbolshylardyń alǵashqy kezdesýi Astanada 1:1 esebimen teń aıaqtalǵan edi. Jaýap kezdesý Glazgodaǵy «Seltık park» stadıonynda tamyzdyń 3-inen 4-ine qaraǵan túni ótedi.