«Astana» fýtbolshylary Chempıondar lıgasyndaǵy alǵashqy oıynynda jeńilip qaldy
ASTANA. QazAqparat - «Astana» komandasy Chempıondar lıgasyndaǵy biliktilik kezeńiniń alǵashqy matchynda slovenııalyq «Marıborǵa» utylyp qaldy. Marıborda ótken kezdesý 0:1 esebimen aıaqtaldy.
Slovenııalyq fýtbolshylardyń jalǵyz golyn besinshi mınýtta buryshtamadan áýelete berilgen pastyń arqasynda Marko Shýler saldy.
Osydan keıin dopqa qazaqstandyq fýtbolshylar ıelik etti. Onyń ústine birneshe qaýipti shabýyldardy da jasady. Biraq Georgıı Jýkov pen Baýyrjan Jolshıev qaqpaǵa dopty baǵyttaı almady.
Ekinshi taımda da astanalyqtardyń mysy basym boldy. Degenmen qaqpaǵa gol salý olar úshin múmkin bolmady.
Qarymta match Astana qalasynda 22 shilde kúni ótedi.
