«Astana» fýtboldan Qazaqstan chempıonatynda jeńilip qaldy
ASTANA. QazAqparat - Fýtboldan QR premer-lıgasynyń aýystyrylǵan 22-shi týr matchynda qaraǵandylyq «Shahter» «Astanany» 2:0 esebimen jeńip ketti, dep jazady Sports.kz.
Goldy soqqandar: Nıkola Vasılevıch pen Evgenıı Gorıachıı. Bul kezdesý chempıonattyń birinshi kezeńindegi qorytyndy oıyn boldy, ekinshi kezeń 12 tamyzda bastalady.
«Shahter» - «Astana» 2:0 (0:0)
Goldar: Vasılevıch 61 (1:0), Gorıachıı 87 (2:0).
Shahter: Shatskıı, Ýbbınk, Sadovnıchıı, Szoke, Vasılevıch, Zoshak, Sımonovskı, Gabyshev; Pıkalkın, Baıjanov; Skoryh
Astana: Erıch, Kanıas, Tvýması, Despotovıch, Beısebekov, Shomko, Mujyqov, Nurǵalıev, Logvınenko, Taǵybergen, Malyı
Aıta keteıik, «Astana» fýtbol klýby qazirgi Qazaqstan chempıony. 2015-2016 jylǵy eýrokýboktarda tabysty óner kórsetip, klýbtar arasynda álemdegi eń bedeldi týrnır - ÝEFA Chempıondar lıgasynyń toptyq kezeńine deıin jetken bolatyn. Keıin fınalǵa deıin súrinbeı jetken ıspandyq "Atletıko", portýgalııalyq "Benfıka" jáne túriktiń "Galatasaraı" komandalaryna qarsy oınap, óz alańynda birde-bir ret jeńilgen joq. Bıylǵy jyly Chempıondar lıgasy aıasynda ІІІ irikteý kezeńinde shotlandııalyq "Seltıkpen" joly túıisken elordalyqtar óz alańynda 1:1 esebimen teń oınasa, syrt alańda 1:2 nátıjesimen jeńilip alǵan bolatyn.
