«Astana» fýtbol komandasynyń jańa jattyqtyrýshysy taǵaıyndaldy

Klýbpen qazaqstandyq belgili maman Oırat Sádýov kelisimshartqa qol qoıdy, dep habarlaıdy elordalyq týrızm, dene shynyqtyrý jáne sport basqarmasynyń baspasóz qyzmeti.

Oırat Sádýovtyń «Astana» komandasynyń jattyqtyrýshysy retindegi alǵashqy synaǵy 16 shilde kúni bolady. Elordalyqtar Petropavldyń «Qyzyljar» komandasymen kezdesedi.

Oırat Bataıuly Sádýov 1961 jyly 4 aqpanda dúnıege kelgen. Pavlodar fýtbolynyń túlegi. 1980, 1982-1986, 1989-1998 jyldary Pavlodardyń «Traktor» («Ansat», «Ertis») komandasynda oınaǵan. Komanda quramynda barlyǵy 440 oıyn ótkizip, 7 gol salǵan. Sondaı-aq 1981 jyly almatylyq «Qaırat» komandysynyń quramynda, 1988 jyly qaraǵandylyq «Shahterdiń» quramynda, Qazaqstannyń ulttyq quramasynda óner kórsetken.