«Astana» fýtbol komandasyna ulttyq quramanyń 4 oıynshysy qosyldy
ASTANA. 9 qańtar. QazAqparat - «Astana» fýtbol komandasynyń quramyna 4 jańa oıynshy qosyldy.
Qorǵaýshy Muhtar Muhtarov, jartylaı qorǵaýshy Ulan Qonysbaev, shabýylshylar Sergeı Grıdın men Sergeı Ostapenko jańa maýsymdy «Astana» quramynda bastaıtyn boldy, dep habarlaıdy sports.kz saıty.
Klýb atalmysh fýtbolshylarmen jaqyn arada kelisimshart jasaspaq. Ázirshe fýtbolshylar komandamen birge Týrtsııada oqý-jattyǵý jıyndarynda júr. Olardyń jańa jattyqtyrýshylary Oleg Potasov komandamen tanysý ústinde.
Eske sala keteıik, Muhtar Muhtarov ótken maýsymda «Ordabasy» komandasynda óner kórsetip, onyń sapynda Qazaqstan Kýbogin jeńip aldy. Ulan Qonysbaev «Shahtermen» birge el chempıony atandy, Sergeı Ostapenko «Jetisý» komandasynyń quramynda el birinshiliginiń kúmis júldesine ıe bolsa, Sergeı Grıdın «Tobyl» quramynda júrip, Qazaqstan Kýboginiń aqtyq synyna shyqty.
Barlyq oıynshylardyń ulttyq quramada tájirıbeleri bar. Grıdın men Qonysbaev ulttyq quramaǵa tek ótken jyly keldi. Muhtarov eldiń bas komandasyna 5 jyl úzilis jasap, qaıta oraldy. Al Ostapenko 2007 jyly alǵash ret qosylǵan bolatyn.
