«Astana» fýtbol klýbynyń qosalqy quramy Tashkenttegi oqý-jattyǵý jıynynda alǵashqy jeńilis pen jeńistiń dámin tatty
ALMATY. 25 qańtar. QazAqparat /Erlik Erjanuly/ - 20 qańtardan beri Tashkentte oqý-jattyǵý jıynyn ótkizip jatqan «Astana» fýtbol klýby Ózbekstannyń 1-inshi lıgasynda óner kórsetetin «BFK» komandasymen 2 joldastyq kezdesý ótkizdi.
Alǵashqy oıynda Vladımır Glevıch jattyqtyratyn astanalyqtar 0:4 esebimen oısyraı utylǵan edi. Qarymta kezdesýde jınaqy oınaǵan qazaqstandyqtar ózbek fýtbolshylarynan 2:0 esebimen basym tústi. Bul oıynda jartylaı qorǵaýshy Ilıa Berýashvılıdiń buryshtamadan bergen dobyn dál qabyldaǵan shabýylshy Baıqońyr Ydyrov, ony baspen qarsylastar qaqpasyna toǵytqan edi. Keıin áriptesi Ilambek Qulekenovtyń kómegimen Ilıa esepti 2:0-ge deıin jetkizdi. Astanalyqtar kelesi kezdesýin endi, 28 qańtarda Taldyqorǵannyń «Jetisý» komandasynyń qosalqy quramymen ótkizbek.
