«Astana» fýtbol klýbynyń qosalqy quramy Qazaqstannyń 19 jasqa deıingi jastar quramasynan 1:0 esebimen basym tústi
ALMATY. 30 jeltoqsan. QazAqparat - Mıhaıl Solovev jattyqtyratyn Qazaqstannyń jastar quramasy oqý-jattyǵý jıynyn aıaqtady. 4-14 qańtar kúnderi Reseıdiń Sankt-Peterbýrg qalasynda jastar quramalary arasynda ótetin Granatkın týrnıri qarsańynda Astanada elordalyq klýbtyń qosalqy quramymen joldastyq kezdesý ótkizgen olar 0:1 esebimen ese jiberdi.
Bul oıynda Bımýhamed Býkeev óz komandasyna jeńis syılady. Igor Svechnıkov jattyqtyratyn astanalyqtar jańa maýsymǵa daıyndyqtyń alǵashqy jıynyn sátti aıaqtady. Al jastar quramasy úshin bul kem-ketikti túzeýge jaqsy múmkindik boldy. Óz daıyndyǵyn 19 jeltoqsanda Astana qalasynda bastaǵan olar endi Sank-Peterbýrgte «S» tobynda Túrkııa, Fınlıandııa jáne Iran quramalarymen kúsh synaspaq.
