«Astana» fýtbol klýbynyń eń paıdaly oıynshylary anyqtaldy
ALMATY. 6 jeltoqsan. QazAqparat - «Astana» fýtbol klýbynyń baspasóz qyzmeti, aıaq dop jankúıerleriniń klýb saıtyndaǵy daýys berý qorytyndysy boıynsha úzdik ondyqqa kirgen paıdaly oıynshylardyń tizimin jarııalady.
Olardy anyqtaý kezinde oıynshylardyń qorjynyna dop soǵylǵan matchta óner kórsetse +1, al ony ótkizip alsa -1 degen belgi qoıylyp otyrǵan. Sonyń nátıjesinde +18 ballmen bul tizimdi Mıhaıl Rojkov (47-29) pen Nenad Erıch (40-22) bastap tur. Al Qaırat Nurdáýletov (36-19), Ulan Qonysbaev (32-15), Vıktor Dmıtrıenko (29-12) - 17, Dımıtrıı Lazerevskı (43-28), Marat Shahmetov (33-18), Valerıı Korobkın (30-15) - 15, Sergeı Ostapenko (40-26) - 14, Tańat Nóserbaev (35-23) pen Damır Koıashevıch (16-4) - 12 márte astanalyqtar qarsylas qaqpasynan sańylaý tapqanda komanda sapynda óner kórsetken.
